Sameinum Vanskilaskrá og Þjóðskrá

Nú þegar þjóðin virðist ætla sökkva dýpra og dýpra samanber alla þessa misvitru hagfræðinga (hagfræðin er sennilega ofmetnasta fræðigrein í heimi).  Ég vissi ekki að til væru svona margir hagfræðingar fyrr en eftir að kreppan skall á, það heyrðist ekkert í þessum spéfuglum fyrir kreppu, enda segir hagfræðin okkur ekkert fyrirfram.  Síðan bætast orð Geirs Harða nýverið um dýpkun kreppunar, er ekki úr vegi að fara leita leiða til hagræðinga.  Sbr. grein í Fréttablaðinu í gær fjölgar fölki á vanskilaskrá hérlendis hraðar en sandkornunum í fjörunni, væri hægt að sameina þessar tveir skrár, þó ég viti að vankilaskrá er einkarekið apparat, en þær hljómar sexý saman þessar skrár.

Því miður eiga mótmælin hérlendis eiga einungis eftir að aukast og kreppan eftir að dýpka.  Ég persónulega hef tekið upp hentifánastefnuna ( líkt útgerðir o.fl. flögguðu sínum skipum vegna  andleysis ríkisins og fékk ríkið þ.a.l. engin skráningargjöld).  Nú geri ég einungis það sem hentar mér best.  Hvort sem það er að borga skuldirnar eða yfirgefa samkvæmið eða e-h annað.  Pólitíkusarnir hafa einungis gert það sem þeim hentar best með því að gera ekki neitt.  Fjárglæframógúlarnir gerðu það sem þeim hentaði best, hirtu úr sjóðunum með að kaupa í eigin fyrirtækjum, hagræddu efnahag bankanna með dulbúnu eigin fé, os.frv. stofnuðu allskonar furðufata-fyrirtæki til að kaupa í eigin félögum sem bankarnir þeirra lánuðu skriiljónir í.

Ég legg það til að fólk taki upp hentifánastefnuna, með því að hengja hvíta/bleika tusku á loftnetið á bílunum sínum, fengi heimsathygli ef allir (næstum allir) væru með veifu, hentifánaveifuna á rándýra skrjóðnum sýnum, en þeir eru orðnir svo verðmætir eftir lánin á þeim hækkuðu um 100%, þannig getur maður sagt, ég á rándýran bíl, ég skulda skrilljón í honum.

 

Athugasemdir

[Ragnhildur Kolka, 14.1.2009 kl. 18:57]

Ég geld varhug við hugmyndinni um sameiningu skránna. Það er eitthvað svo totalitarian við það.

En hvað gerum við sem skuldum ekkert í bílunum?

[Svavar Guðmundsson, 15.1.2009 kl. 08:41]

Þetta er svolítið totalotarian, sammála þér þar Ragnhildur. Bílaskuldirnar áttu við um þá sem það átti við.  Mér fannst þetta áhugaverð sameining þó hún sé ómöguleg, enda sett fram meira í gríni.  Við þurfum að stofna nýtt lýðveldi með nýrri stjórnarskrá losa okkur við ægivald ráðherra og "minnka" spillingaáhrifin í okkar samfélagi, þar sem skyldleiki og venslatengsl eru stærstu fylgifiskar örríkis líkt og Ísland er.

[Sigurgeir Orri Sigurgeirsson, 18.1.2009 kl. 07:45]

Vel að orði komist herra Svavar. Það er að mínum dómi best að hver og einn fylgi sinni hentistefnu - en á eigin kostnað. Þannig þarf að haga málum svo það fari ekki á milli mála hver ber ábyrgðina og kostnaðinn ef illa fer.