Leita í fréttum mbl.is

Bloggfærslur mánaðarins, nóvember 2008

Vel skrifuð bók

Frábært hjá þér Kiddi, þú átt þetta svo sannarlega skilið.  Þetta sýnir okkur hvað þú ert mikill afbragðsdómari.  Þú ert bara rétt að byrja, stefnan sett á úrslitaleik Meistradeildarinnar er það ekki.  Ég býst við því að það sem gerir gæfumuninn hér er að þú fékkst gott uppeldi hjá ÍK og HK!! Spurning hvort ég skori ekki á þig og þú takir ekki flautuna með þér inn í þingsal á Alþingi og dæmir þetta lið úr leik og lyftir rauða spjaldinu upp 63 sinnum.
mbl.is „Gleymi þessu aldrei“
Tilkynna um óviðeigandi tengingu við frétt

Er krónan ekki ósynd?

Þarf hún ekki á kút og kork til að halda sér á floti í straumþungu fljóti frjálsra gjaldeyrisviðskipta, eru menn búnir að kortleggja sundleiðina, horfum við kannski fram á enn ein hagstjórnarmistökin, það kemur fljótlega í ljós.  Vonum það besta búumst við því versta, gjaldeyrisbraskarar finna alltaf leiðir til frekari árásar/stöðutöku á krónuna.


mbl.is Hömlum aflétt og nýjar settar
Tilkynna um óviðeigandi tengingu við frétt

að hunsa eitthvað með nefinu!!!

Jóhanna er ekki svo galin gella, hún er ekta pólitíkus á margan hátt, hefði ábyggilega geta orðið sænskur forsætisráðherra á sínum tíma, væri hún sænsk.  Þetta er nokkuð klókt og lógísk framsetning hjá henni, því ber að vera jákvæður út í þessa ráðstöfun, þegar öryrkjum og atvinnulausum fjölgar á lógarítmiskum hraða ásamt öðrum félagslegum vandamálum.  Ég hefði fært frú Jóhönnu blómvönd og knús ef hún hefði sagt, Félgsmálaráðuneytið mun eitt ráðuneyta auka útgjöld um a.m.k. 10%.

Í þessu árferði á tvímælalaust að fækka ráðuneytum.  

Byrjum á Umhverfisráðuneyti (ég á ekki til nógu falleg orð til að lýsa gagnsleysi þess ráðuneytis), Kirkjumálaráðuneyti (prestar hafa verið týndir í hempunni í kreppunni, það ætti og hefði átt að vera að vera bænastund alla daga, sl. 2 mánuði í stærstu kirkjum landsins, þjóð sem hefur aldrei haft eins mikla þörf að tala við almættið, nei, nei engir prestar í opnum kirkjum), Bankamálaráðuneyti, höfum við ekkert við að gera úr því sem komið er, hér ætti einungis að vera einn þjóðbanki, ekki 3 ríkisbankar með sama "gamla" staffinu.  Samgöngumálaráðuneyti má einnig leggja niður tímabundið þegar hætt hefur verið við allar vegaframkvæmdir hérlendis næstu misserin, smíði nýs Herjólfs fryst, auk engar frekar styrkveitinga til Landsbjargar ofl. samgöngumála.

Miðað við 20 nóvember, er ég eins og hvert annað ráðuneyti, ég legg ekki af stað fyrr en ég á að vera mættur!


mbl.is Ætla að hunsa beiðni um niðurskurð
Tilkynna um óviðeigandi tengingu við frétt

Textavarpið er á leið í greiðslustöðvun

Hef það eftir innanbúðarmanni, sem býr í risavöxnum bustabæ á höfuðborgarsvæðinu að verðmætasta eign RÚV, sem er textavarpið sé gjaldþrota.  Þessi innanbúðarmaður, sem er vinur minn og fyrrverandi moldríkur milli, sé að leita að fjárleysum til að kaupa Textavarpið. 

Ég er til í að kaupa textavarpið þegar RÚV verður "nýja" RÚV í næstu viku.  Ég á krónur, þrátt fyrir að vita ekki hvorum megin uppgjör mitt kemur út þegar sauðanefndin leggst yfir brækurnar mínar!


mbl.is Þátttaka RÚV á auglýsingamarkaði verði endurskoðuð
Tilkynna um óviðeigandi tengingu við frétt

Dýrasta útvarps útsending sögunar!

Ég brá mér til Spánar um daginn, í eina viku, sem er svosem ekkert sérstakt, það var það a.m.k. ekki fyrir nokkrum mánuðum.  Ég tók með mér tölvuna mína, án þess endilega að vita til hvers??  Það er nú bara svo.  Ég nota svokallað 3G lykil frá Símanum til að tengjast hérlendis.  Stundum hafa verið vandræði með nettenginguna hérlendis o.s.frv.  Það hefur reyndar komið þónokkuð oft fyrir að þessi 3G lykiltenging er afar óstöðug og hef ég þá hringt í þjónustuver Símans, hafa þeir þá spurt mig hvor ég sé ekki á höfuðborgarsvæðinu, því hún er mjög óstöðug á landsbyggðinni, sum staðar virkar 3G tengingin alls ekki á landbyggðinni. 

Aftur til Spánar þar sem frá var horfið, á föstudeginum 10 okt. ákvað ég að vita hvort ég gæti tengst e-h opnu neti á svæðinu, svo reyndist ekki vera, þannig í rælni ákvað ég að prófa hvort 3G netlykill símans myndi virka suður á Spáni, minnugur orða þjónustuvers Símans um notkunarmöguleikann á landsbyggðinni.  Jú, viti menn ég náði í gegn á Spáni í gegnum 3G netlykil símans.  Þar sem ég kom nú ekki til Spánar til að eyða tímanum á Internetinu, í raun hef ég skammtað mér fréttir allan tímann sem fjármálaóreiðan dundi yfir okkur (er ég mikill fréttafíkill í eðli mínu).  Faðir minn er blindur og er í hjólastól, þannig að hann vildi oftar en ekki vera á herberginu og hlusta á útvarpsfréttir, (sjónvarpsfréttir náðust ekki af e-h ástæðum).  Ég skildi/setti fréttaflutninginn og eða e-h annað útvarpsefni á fyrir hann eftir óskum hans, þetta var samt óveruleg hlustun að mínu mati, kannski 1-2 klst. á dag.

Nú bregður svo við að á Þriðjudeginu þann, 14 okt. fæ ég tilkynningu í gegnum farsímann minn að ég sé kominn umfram gagnanotkun á 3G lyklinum og lokað sé fyrir notkunina, sagt er í tilkynningunni að notkunin í krónum sé komin upp í 155.000 kr.  ég ákvað að gera ekkert í málinu á Spáni, en myndi skoða það er ég kæmi heim.  Ég hef síðan að leita svara í völundarhúsi Símans, eftir að heim var komið.  Ég veit ekki hvað ég þurfti að tala við marga, til að fá e-h útskýringar, en mig minnir að ég hafi talað við a.m.k. 5 starfsmenn símans.  Endaði síðan á þjónustulunduðum starsmanni sem heitir Magnús Karlsson, sem útskyrði fyrir mér að þeir keyptu þessa þjónustu svo dýra í gegnum gervinött o.s.frv. og ekkert væri hægt að gera, en hann bauðst til að skoða málið og hringja í mig fljótlega.  Ég óskaði einnig skýringa af hverju væri verið að innheimta fyrir gagnanotkun 3 daga eftir að lokunin átti sér stað, hann sagði skýringu vera að þetta væri lengi að skila sér inn, þ.e. gagnanotkunin.  Hann hringir síðan í mig viku síðar og reiðubúinn í ljósi viðskiptasögu minnar að veita mér 25% afslátt, sem ég þakkaði fyrir, en tjáði honum jafnframt að ég væri ósáttur við ennan óheyrilega kostnað við 25 innhringingar, auk þess að maður skildi ekki hafa verið varðaur við notkun 3G lykilsins í útlöndum, þegar ég ákvað að taka hann.  Það hefði ekkert mál verið fyrir starfsfólk Símans að segja, "passaðu þig að nota 3G lykilinn ekki í útlöndum", nóg er nú útskýrt fyrir manni tæknilegir og aðrir kostir í slíkri sölumennsku, hjá símafyrirtækjunum.  Hann benti mér að ég hefði átt að kynna mér 3G kostnaðarnotkunina á heimasíðu Símans.  Eflaust liggja mín mistök þar, hvað skyldu margir skoða heimasíðu þessara fyrirtækja, þetta eru nú ekki beint "sexý" síður, nóg auglýsa þeir ítarlega sína þjónustu. 

Semsagt reikningurinn fyrir 25 innhringinar (átta mig ekki á lengd notkunarinnar, enda er hún flestum óskiljanleg á reikningnum), frá föstudeginum 10 okt. fram á þriðjudagshádegi þann 14 okt. hljóðaði reikningurinn upp á hvorki minna en 188.298.- ísl. krónur.   Með þessari upphæð myndi ég geta greitt afnotagjöld RÚV í 6 ár, GSM símanotkun mína í rúmt ár, og svo mætti lengi halda áfram.

Ég hef verið hjá Símanum í 12 ár, alltaf í áskrift með sama númerið.  Ég mun gera úrslitatilraun til nauðasamnigsumleitana við Símann, eftir helgi, náist það ekki frekar, hyggst ég afsala mér frekari samskiptum við það ágæta fyrirtæki.

P.s.  Öðrum til fróðleiks varðandi símanotkun mína er sú að ég (tala reyndar óþarflega mikið í síma) er sú að ég setti símann minn á "silent" fyrir rúmum 5 árum, ástæðan er sú að ég ákvað að láta ekki símann minn stjórna mér, einu skiptin sem ég heyri í honum er þegar hann vekur mig og köttinn minn á morgnana. 

síminn 3G lykill notkun á Spáni


Þessi gæi er himnasending

Þetta er það skásta sem ég hef heyrt í langan tíma, og heyri ég ekkert nema það sem ég sé!  Gæinn er einfaldlega að segja okkur að taka málin í okkar hendur á skynsaman hátt í þeirri vonlitlu samningstöðu sem við erum í, hendum af okkur ESB silkihanskanum og IMF vasaklútnum og bjóðum gæjanum IKEA-stól í stjórnarráðinu.

SJÁLFGERT ER VEL GERT, það er það sem þessi vinur minn er að segja okkur. 

 


mbl.is Gætum hæglega sleppt IMF-láni
Tilkynna um óviðeigandi tengingu við frétt

Pressan á ekki...............

að birta neinar myndir eða fréttir af þessu ógeði, þetta er djöfull í mannsmynd.  Eina fréttin (án myndar) sem á að birta er sú tilkynning að búið sé að hengja helvítið.  Gangið á guð vegum!
mbl.is Fritzl ákærður fyrir morð
Tilkynna um óviðeigandi tengingu við frétt

Vinafá þjóð í eigin heimsálfu

Það er augljóst að við höfum enga samningstöðu gagnvart Evrópuþjóðunum vegna þess þrýstings sem þeir skapa á IMF.  Við þurfum að sætta okkur við að "eiga" vináfáa nágranna.  Viðurkennum þetta strax.  Við þurfum að snúa töfralampanum í austur, til vina okkar í Asíu.  Mótmælum óvildinni í okkar garð með hljóðlausri kænsku.

Kínverjar töluðu við Íslendinga fyrst allra þjóða þegar þeir voru að taka ákvörðun um að halda ólympíleikana, komu hingað sérstaklega.  Ólafur Ragnar er mikill persónulegur vinur kínaforseta, þjóðirnar hafa einnig með sér víðtækt samstarf á öðrum sviðum.......  Stærsta þjóðin hjálpar þeirri minnstu!!

Indverjar eru góðir vinir okkar, auk þess að vera vera sú þjóð, sú eina sem hefur unnið stríð við breska heimsveldið (Gandhi) án þess að beita vopnum.  Ólafur og Dorrit eru einnig miklir vinir æðstu manna auk forsetans þar í landi.

Japanir og íslendingar eiga mjög góða sjávarútvegstengda viðskiptasögu (goodwill) auk þess að vera samstíga innan Alþjóða Hvalveiðiráðsins í áratugi. 

Snúum töfralampanum í austur, því bið ég þig Hr. Ólafur Ragnar, viltu fara í bláu duggarapeysuna (66°N) og gúmmískóna þína og halda til hafs og sækja í vinarþel þessara vina okkar.

P.s. Hr.Ólafur Ragnar taktu með þér gjafir (svínvirkar alltaf) handa þessum fínu vinum okkar, s.s. harðfisk, flatkökur og Reyka Vodka, og ekki gleyma frú Dorrit, því ég held að hún heilli þessa gæja aðeins meir en þú.


mbl.is Staðan er grafalvarleg
Tilkynna um óviðeigandi tengingu við frétt

erum við freðin

Við erum örríki, ekki einu sinni smárríki. Við mótmælum ekki, það tekur enginn þjóð mark á okkur meðan almenningur mótmælir ekki. Við gerum akkúrat ekkert. Við erum almenningur. Heimspressan hlýtur að furða sig á þessu að hér halda allir áfram að aka um á fínu bílunum sínum og semja við nýju bankakana, Hvar eru mótmælin á ÍSLANDI, hlýtur heimspressan að hugsa með sér, erum við í svona mikilli afneitun. Hvað er virkilega að nú er komið að okkur Íslendingar eru 320.063.- manneskjur losum okkur við þessa 63 í öftustu tölunni sem við treystum til að búa til regluverkið sem átti að búa til trausta umgjörð í kringum okkur. Það virðist það eina sem við gerum er að mótmæla á Moggablogginu líkt og ég er að gera nú. Ég er AULI, ........NÚ ER KOMIÐ NÓG, BELGAR eru smáríki, nánast örþjóð, við förum bara út í næstu fiskbúð og vorkennum okkur yfir vodkaflöskunni.........hálftómri við skítugt eldhúsborðið . Við erum gaddfreðin.. ÞJÓÐ með 63 gagnslaus eistu
mbl.is Sameinast gegn Kaupþingi
Tilkynna um óviðeigandi tengingu við frétt

Hrútspungar með ídýfu og lakkrískurli!

Mig langar reyndar að prófa þessa samsetningu á næsta þorrablóti.  En hvurn fjand.. er verið að bera á borð fyrir okkur úr þessu gaphúsi.  Til sjós væri búið að reka þessa 63 "eiturbrasara"  í fyrsta túr. Aðgerðaleysið er algjört.  Þjóðin er að springa úr reiði, illsku og vonleysi.  Það er mun skarpari sýn á alvarleikann og ástandið í höfuðstöðvum Blindrafélagsins (með fullri virðingu fyrir þeirri góðu stofnun).  Þjóðin þarf að fara raskella þessa óvita, sem hafa gert allt 100% kolrangt hingað til.  Ég er til í að veðja uppá kók og pulsu (má velja allt á hana) að þetta springur allt næstu daga. 

þegar IMF opnar kreditlínu á okkur uppá dollaralánið í næstu viku fer krónan algjörlega niður á 7 metrana, hún fellur um tugi prósenta vegna innlausnar allra eigna í eigu erlendra aðila (ríkisvíxlar, ríkisskuldabréf, krónubréf) verða innleyst eins og hver annar "pennystocks".  Það verður væntanlega frumskilyrði af hálfu IMF (og annarra aðila) að krónan verði sett aftur á flot til að skapa gjaldeyrishreyfingu.  Í sögulegu hagstjórnarsamhengi hefur þetta gerst með þeim hætti að viðkomandi gjaldmiðill hafi hrunið algjörlega þegar IMF hefur tekið við hluta af peningamála-efnahagstjórninni.  Er ekki lausn í stöðunni að við seljum eða leigjum skuldirnar okkar, þ.e. sem eru eignir bankanna (efnahagur þeirra) og greiðum tímabundið erlendum banka eða sjóði afborganir og vexti, kannski er þetta vitlaust hugsað hjá mér, en með tímanum myndum við skapa hér gjaldmiðla frelsi hérlendis því krónan er okkar skaðvaldur bæði inn-og útávið.


mbl.is Þingmenn eins og afgreiðslufólk á kassa
Tilkynna um óviðeigandi tengingu við frétt

Næsta síða »

Höfundur

Svavar Guðmundsson
Svavar Guðmundsson

Lífið er brekka, en um leið og maður setur í hlutlausan þá rennur maður afturábak

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband